જમશેદપુરઃ ભારતીય ફૂટબૉલમાં નવું પ્રકરણ શરૂ થયું છે જેમાં કિન્નરો (ટ્રાન્સજેન્ડર્સ)ની સાત ટીમ વચ્ચે જમશેદપુર સુપર લીગ (જેએસએલ)ના બૅનર હેઠળ ઇવેન્ટ શરૂ થઈ છે. આ ટૂર્નામેન્ટને ધ ટ્રાન્સજેન્ડર્સ લીગ નામ આપવામાં આવ્યું છે.

રવિવારે શરૂ થયેલી આ ઇવેન્ટની સાત ટીમમાં જમશેદપુર (Jamshedpur) એફટી, ચૈબાસા એફસી, ચક્રધારપુર એફસી, જમશેદપુર ઇન્દ્રનગર એફસી, નાઓમન્ડી એફસી, સારાઇકેલા એફસી અને કૉલ્હાન ટાઇગર એફસીનો સમાવેશ છે.

આ ટૂર્નામેન્ટમાં શરૂઆતમાં ચાર જ ટીમ રમવાની હતી, પણ પછીથી એમાં બીજી ત્રણ ટીમ જોડાઈ હતી. ભારતમાં કિન્નરો માટેની આ પહેલી જ પ્રોફેશનલ ટૂર્નામેન્ટ છે.

રવિવારની પ્રારંભિક મૅચમાં જમશેદપુર એફટી ટીમે ચૈબાસા એફસીની ટીમને 7-0થી પરાજિત કરી હતી જેમાં જમશેદપુર ટીમના કિન્નર પૂજા સૉયે (Puja Soy) ચાર ગોલ કર્યા હતા.