જ્યોતિષશાસ્ત્રમાં ગ્રહોના ગોચરને ખૂબ જ મહત્ત્વપૂર્ણ માનવામાં આવ્યું છે અને આ ગોચરની 12-12 રાશિના જાતકો પર ઓછા વધતાં પ્રમાણમાં અસર જોવા મળે છે. 2026ના નવા વર્ષની શરૂઆતમાં જ ગ્રહોની મોટી હિલચાલ જોવા મળી રહી છે, જેને કારણે એક સાથે અને મહત્ત્વના યોગનું નિર્માણ થઈ રહ્યું છે. જાન્યુઆરી મહિનાની શરૂઆતમાં જ મંગળ સહિત અનેક મહત્ત્વના ગ્રહો એક રાશિમાંથી બીજી રાશિમાં ગોચર કરી રહ્યા છે. જેની કેટલીક રાશિના જાતકો પર અસર જોવા મળશે. 

મુંબઈના એક જાણીતા જ્યોતિષાચાર્યના જણાવ્યા અનુસાર 16મી જાન્યુઆરી, 2026ના મંગળ ધન રાશિમાંથી મકર રાશિમાં ગોચર કરશે. શનિ મકર રાશિના અધિપતિ છે અને મંગળને ગ્રહોના સેનાપતિનો દરજ્જો આપવામાં આવ્યો છે. મંગળના ગોચરથી કેટલીક રાશિના જાતકો માટે અચ્છે દિન શરૂ થઈ રહ્યા છે. ચાલો જાણીએ કઈ રાશિના જાતકો માટે મંગળનું રાશિ પરિવર્તન ખૂબ જ લાભદાયી સાબિત થવાનું છે. 

મેષઃ
મેષ રાશિના જાતકો માટે આજનો મંગળનું આ ગોચર ખૂબ જ લાભદાયી રહેવાનું છે. આ સમયે આ રાશિના જાતકોના આત્મવિશ્વાસમાં વૃદ્ધિ જોવા મળશે. અટકી પડેલાં કામને વેગ મળી રહ્યો છે. નોકરી કરી રહેલાં જાતકોની જવાબદારીમાં વધારો થઈ રહ્યો છે અને પ્રમોશન થવાના યોગ પણ બની રહ્યા છે. બિઝનેસમાં પણ લાભ થવાના સંકેત છે. તમારે તમારા ગુસ્સા પર નિયંત્રણ રાખવું પડશે.

મકરઃ
મકર રાશિના જાતકો માટે મંગળનું ગોચર ઊર્જા અને હિંમતમાં વધારો કરનારો સાબિત થશે. નાણાંકીય સમસ્યામાંથી મુક્તિ મળી રહી છે. નોકરી બદલવાનું વિચારી રહેલાં લોકો માટે અનુકૂળ સમય છે. પારિવારિક બાબતો માટે પણ આ સમય અનુકૂળ રહેશે. નોકરીમાં સ્થિરતા વધી રહી છે. તમને તમારા બોસ તરફથી સંપૂર્ણ સાથ-સહકાર મળી રહ્યો છે. પારિવારિક જવાબદારીઓ વધશે અને કેટલાક મહત્ત્વના નિર્ણયો લેવા પડી શકે છે. 

કર્કઃ 
કર્ક રાશિના જાતકો માટે મંગળનું ગોચર કરિયરની દ્રષ્ટિએ ખૂબ જ મહત્ત્વનું રહેશે. આજે તમારા કામની પ્રશંસા થશે. વરિષ્ઠ અધિકારીઓ તરફથી સાથ-સહકાર મળી રહ્યો છે. લીડરશિપ ક્વોલિટીમાં સુધારો જોવા મળી શકે છે. નાણાંકીય દ્રષ્ટિએ પણ આ સમયગાળો તમારા માટે સારો રહેશે. આવકમાં વૃદ્ધિ થતાં તમારી ખુશીનો પાર નહીં રહે. આવક-જાવક બંને વચ્ચે સંતુલન જાળવીને ચાલશો તો તમારા માટે સારું રહેશે.