જ્યોતિષશાસ્ત્રમાં નવેનવ ગ્રહોમાં શનિદેવને ખૂબ જ શક્તિશાળી માનવામાં આવે છે અને તેમને ન્યાયના દેવતા તરીકે ઓળખવામાં આવે છે. આ સિવાય જ્યોતિષશાસ્ત્રમાં શનિને સૌથી ધીમી ગતિએ ગોચર કરતો ગ્રહ માનવામાં આવ્યો છે અને તેને એક રાશિમાંથી બીજી રાશિમાં ગોચર કરતાં અઢી વર્ષનો સમય લાગે છે. આમ શનિદેવને એક રાશિચક્ર પૂરું કરવા માટે 30 વર્ષનો સમય લાગે છે. 

મુંબઈના એક જાણીતા જ્યોતિષાચાર્યના જણાવ્યા અનુસાર હાલમાં શનિદેવ ગુરુની રાશિ મીન રાશિમાં બિરાજમાન છે અને શનિ નવેમ્બર મહિનામાં જ આ રાશિમાં માર્ગી થઈ ગયા છે. શનિના માર્ગી થવાને કારણે કેટલીક રાશિના જાતકોને શુભ પરિણામો આપી રહ્યા છે. આ રાશિના જાતકોને ભાગ્યનો પૂરેપૂરો સાથ મળવાની સાથે સાથે ધનલાભ પણ થઈ રહ્યો છે. ચાલો જોઈએ કઈ છે આ ભાગ્યશાળી રાશિઓ-

વૃષભઃ
વૃષભ રાશિના જાતકો માટે આગામી 69 દિવસ ખૂબ શુભ રહેવાના છે.આ રાશિના જાતકોને શનિદેવ શુભ પરિણામ આપી રહ્યા છે. આ સમયે તમને તમારી મહેનતનું સંપૂર્ણ ફળ મળી રહ્યું છે. જીવનમાં જો કોઈ સમસ્યા, મુશ્કેલી કે અવરોધો આવી રહ્યા હતા તો તે પણ ધીરે ધીરે દૂર થઈ રહ્યા છે. નોકરી કરી રહેલાં લોકો માટે આ સમયગાળો અનુકૂળ રહેશે. પારિવારિક જીવન પણ ખુશ-ખુશહાલ રહેશે.

કન્યાઃ 
કન્યા રાશિના જાતકોને શનિદેવ અપરંપાર લાભ કરાવી રહ્યા છે. આ સમયે આ રાશિના જાતકોને ભાગ્યનો પૂરેપૂરો સાથ મળી રહ્યો છે. લાંબા સમયથી જો કોઈ કામ પડ્યું હશે તો તે પણ પૂરું થઈ રહ્યું છે. કામમાં જો કોઈ સમસ્યા આવી રહી હશે તો તે પણ દૂર થઈ રહી છે. તમે કરેલાં કામની પ્રશંસા થઈ રહી છે. ધનલાભ થવાના પૂરેપૂરો યોગ બની રહ્યા છે. મિત્રો સાથે કોઈ જગ્યાએ ફરવા જવાની યોજના બનાવશો. 

સિંહઃ
સિંહ રાશિના જાતકોના જીવનમાં શનિદેવ સુખ-શાંતિ અને સમૃદ્ધિ લઈને આવશે. જુન, 2027 સુધીમાં શનિદેવ આ રાશિમાં વિપરીત રાજયોગ બનાવી રહ્યા છે. આ સમયે કોઈ મુશ્કેલી સતાવી રહી હશે તો તમે તેનો ઉકેલ લાવવામાં પણ સફળ થશો. કામના સ્થળે ઉપરી અધિકારીનો સંપૂર્ણ સાથ-સહકાર મળી રહ્યો છે. આવકમાં વૃદ્ધિ થતાં તમારી ખુશીનો પાર નહીં રહે. જીવનસાથી તમારી સાથે ખભેખભા મિલાવીને ચાલશે.