નિલેશ વાઘેલા
મુંબઈ: ટાટા સ્ટીલના શેરમાં શુક્રવારના સવારના સત્રમાં જ એકએક એક ટકાથી વધુનો ઝડપી ઘટાડો જોવા મળ્યો હતો.
પ્રારંભિક સત્રમાં ટાટા ગ્રુપની મુખ્ય કંપનીના શેર ઘટીને રૂ. 167.82ના સ્તરે પટકીને નિફ્ટી 50 ઇન્ડેક્સમાં ટોચના નુકસાનકર્તા તરીકે ઉભરી આવ્યા હતા.

આની પાછળનું કારણ એ છે કે, ટાટા સ્ટીલની ડચ પેટાકંપનીઓ €1.4 બિલિયનના દાવાઓનો સામનો કરી રહી છે.
સ્ટીચિંગ ફ્રીસ વિન્ડ (SFW) દ્વારા રજૂ કરાયેલા નેધરલેન્ડ્સમાં ટાટા સ્ટીલના પ્લાન્ટની નજીક રહેતા રહેવાસીઓએ આરોપ લગાવ્યો છે કે કંપની વેલ્સેન-નૂર્ડમાં તેના ઓપરેશનને કારણે થયેલા નુકસાન માટે જવાબદાર છે.

આ નુકસાનમાં સૌથી મહત્વપૂર્ણ રીતે જોખમી અથવા હાનિકારક પદાર્થોના ઉત્સર્જનનો સમાવેશ થાય છે. તેઓ "વિવિધ સ્વાસ્થ્ય સમસ્યાઓ પ્રત્યે વધેલી સંવેદનશીલતા અને ઘરોનો આનંદ ગુમાવવા માટે" યુરો 1.4 બિલિયન (રૂ. 14,810 કરોડથી વધુ)ના વળતરની માગ કરી રહી છે, કારણ કે આ પ્રદેશમાં સરેરાશ ઘરનું મૂલ્ય તુલનાત્મક પ્રદેશો કરતા નોંધપાત્ર રીતે પાછળ છે.

જોકે સત્ર આગળ વધતાં ટાટા સ્ટીલના શેરના ભાવમાં રિકવરી જોવા મળી છે, હવે આ દાવાની કંપની પર આગળ શું અસર થાય છે અને શેર પર કેવી અસર થશે તેનો અંદાજ સત્રના અંત સુધીમાં મળી જશે.